උදේට බඩ පැතලියි.. රෑ වෙද්දී බැලුමක් වගේ පිපිලාද?


 ඔයාටත් මේ දේ වෙනවද? උදේට ඇඳෙන් බහිනකොට බඩ හරිම ලස්සනට, පැතලියට තියෙනවා. හැබැයි දවල් දවස ගෙවෙද්දී, හවස් වෙද්දී ඔයාගේ බඩ ඉස්සරහට ඇවිල්ලා, හිර වෙලා, හරියට "මාස 4ක බබෙක් හම්බෙන්න ඉන්නවා වගේ" පේනවද? "අපෝ මම මහත් වෙලා!" කියලා ඔයා බය වෙලාද?

බය වෙන්න එපා! ඔය මහත් වෙලා නෙමෙයි. ඔය ආවිල්ලා "Bloating" (බඩ පිපීම). මේදය (Fat) කියන්නේ පැය 12න් හැදෙන දෙයක් නෙමෙයි. එහෙනම් මේ බඩ එන්නේ ඇයි?

1. හුළං ගිලින එක (Swallowing Air)

ඔයා කෑම කන්නේ විනාඩි 5න් ද? හපන්නේ නැතුව, හදිස්සියෙන් කෑම ගිලිනකොට ඔයා කෑම එක්කම ලොකු හුළං ප්‍රමාණයක් බඩට යවනවා. මේ හුළං බඩ ඇතුලේ හිර වුනාම බඩ බැලුමක් වගේ පිපෙනවා.

2. ලුණු වැඩිද? (Sodium overload)

කොත්තු, ෆ්‍රයිඩ් රයිස්, පැකට් කෑම කෑව දවසට බඩ පිපෙනවා වැඩියි නේද? ඒ කෑම වල "ලුණු" (Salt) වැඩියි. ලුණු වැඩි වුනාම අපේ ශරීරය වතුර අල්ලගෙන ඉන්නවා (Water Retention). එතකොට බඩ ඉදිමෙනවා.

3. ගෑස් හැදෙන කෑම (Gassy Foods)

අපි කන සමහර ගුණදායක කෑම වලිනුත් ගෑස් හැදෙනවා. උදාහරණ: පරිප්පු, කඩල, කවුපි, ගෝවා. මේවා කෑවම බඩ පිපෙනවා නම්, උයන්න කලින් පැය ගාණක් වතුරේ දාලා තියන්න (Soak).

4. මලබද්ධය (Constipation)

ඔයා දවස ගාණකින් ටොයිලට් ගියේ නැත්නම්, බඩ ඇතුලේ දිරවපු කෑම පිරිලා (Blocked). එතකොට අලුතෙන් කන කෑම වලට ඉඩක් නෑ. ඉතින් බඩ ඉස්සරහට නෙරලා එනවා.

Bloating අඩු කරගන්නේ කොහොමද?

හපලා කන්න: කෑම වේල කන්න අවම විනාඩි 15ක් වත් ගන්න. කට වහගෙන හපන්න. 🕰️

වතුර බොන්න: බඩ පිපුනම වතුර බොන්න අමාරුයි තමයි, ඒත් වතුර බිව්වම තමයි අර වැඩිපුර තියෙන ලුණු ටික හේදිලා යන්නේ. 💧

ඇවිදින්න: කෑවට පස්සේ විනාඩි 10ක් ඇවිදින්න. එතකොට බඩේ තියෙන හුළං ටික එළියට යන්න උදව් වෙනවා.

Sparkling Water/Soda එපා: ගෑස් තියෙන බීම බිව්වම බඩ තවත් පිපෙනවා.

ඔය තියෙන්නේ මහත නෙමෙයි, හුළං සහ වතුර! නිවැරදි පුරුදු වලින් අපිට ඔය බැලුම හුළං යවන්න පුළුවන්.

උ.ගැ.

මුල් හිමිකරුට ස්තූතියි 

Redirecting...

You will be redirected in:

60

Comments

Popular posts from this blog

අවුරුදු 30 න් පස්සෙ කාන්තාවන් ගන්නම ඕන විටමින් වර්ග 7ක්

මේ ප්‍රතිකාර 2ක හරියට කළොත් කොලෙස්ටරෝල්වලින් සදහටම නිදහස්...

බත් කනකොට හැමදාම මේ ගුලිය කන්න කොලෙස්ටරෝල් නැත්තටම නැති වෙලා යනවා